You are here

Stemborer

Stemborer
Scirpophaga innotata, Scirpophaga incertulas

Insects

Kilala rin sa tawag na: Aksip, Tamasok, Bagumbong, Rusot, Barat at Alibangbang 
 
Ang Yellow Stem Borer o YSB ay makikita sa buong Pilipinas samantalang ang mga White Stem Borer o WSB naman ay karaniwan sa Visayas at Mindanao. Kinakain ng larvae o uod ng stemborer ang mga murang dahon at talbos ng palay na sa kalaunan ay natutuyo. Pumapasok din ito sa puno o katawan, tangkay at talukap ng dahon (leaf sheath) at doon kumakain at nag-iiwan ng butas. Nagpapalipat-lipat ang uod sa iba't-ibang suwi ng palay. Ang uod ng YSB ay may katawan na mapusyaw na dilaw ang kulay samantalang kulay puti naman ang mga WSB.

 

Damage

Ang pag-atake ng mga stemborer sa panahon ng pagsusuwi at paglalago ng palay ay nagdudulot ng tinatawag na deadheart. Mapapansin ang mga maliliit na butas sa puno ng palay. Ang mga dahon at pangunahing tangkay ay natutuyo, namamatay at madaling bunutin.
 
 Samantala, ang pagkain at pamiminsala nila sa panahong namumulaklak ang palay ay nagreresulta naman sa whitehead o uban na kung saan nagiging sanhi ng pagkatuyo at pamumuti ng uhay. Ang mga butil ay napipipis o walang laman.
 
 Direkta itong nakakabawas sa bilang ng mga produktibong uhay ng palay.