You are here

Purple Blotch

Purple Blotch
Alternaria porri

Disease

Sanhi ng sakit na Purple Blotch ay ang Fungus o Amag na Alternaria porri. Ang sakit na ito ay nagdudulot ng pagkasira ng mga dahon ng sibuyas. Maaaring umabot sa halos 50 porsyento ang kabawasan sa ani kung hindi maagapan.

Mas dumadami ang insidente ng sakit na Purple Blotch sa panahong maulan at mataas ang tubig o basa sa hangin. Maaari ding makapasok ang sakit sa mga sugat na dulot ng pag-atake ng mga insekto.

 

Damage

  • Unang sintomas ng sakit ay ang pagkakaroon ng basang sugat na may kulay puting gitna sa apektadong parte ng dahon. Ang mga sugat na ito ay kalaunang lumalaki at nagiging "target spots" na kulay kayumanggi.

    Kapag mataas ang basa ng hangin, ang palibot ng sugat o ay tinutubuan ng kulay itim na mistulang alikabok na binhi ng amag.

  • Ang mga dahon na tinamaan ng sakit ay nanininilaw hanggang sa tuluyan nang matuyo dalawa hanggang apat na araw mula nang tamaan ng sakit o impeksyon.